猫儿囝大人讲其无赚,以后少修仂囝blog,多做仂囝正事
左海逐月,雙峰遺夢
噯,我腹佬野疼😣汝這幫蔣其也?𡅏做世乇?有敆無?心情有仂囝儥好。共我攀講嘛?
就像嘻蓝色其月升空,湖水蜀样其情绪,风蜀样其律动,散播着空气台中。
猫儿囝大人讲其无赚,以后少修仂囝blog,多做仂囝正事
今旦日天烏烏,雨無逿若夥。盡早爬起,搭公交去圖書館。囫圇工都屈裏勢,主要是修了廮著自家租其服務器懸頂其幾芘服務。解決了自託管其YunoHost其幾芘問題,包括共pgAdmin4——蜀芘PostgreSQL其網頁端管理界面——裝裏去。解決了自託管WordPress多站點網絡其緩存bug。仱發了幾題技術其文章。翻了幾頁哲學共人類學其書。
ㄨㄌㄛㄏ回,北風ㄍㄛㄩㄥˆ日ㄊㄠˋㄉㄨㄛㄏㄏㄧㄌㄨㄞˇㄗㄤ,看ㄉㆾㄌㆾㄩㄥˋ本事ㄉㄨㄞˆ。ㄗㄤㄋㄧˋㄗㄤˋㄫㄛˇㄇㄛˇㄌㄨㄛㄧㄤˋ。者ㄌㄟㄥˇㄠˆ,ㄉㄨㄛˆㄌㄝ˙ㄨˋㄙㄛㄏˇㄖㄧㄝˊㄋㆾㄩㄥˋㄍㄧㄤˋㄌㄝ˙,身ㄌㄝ˙頌ㄉㄨㄛㄏㄙㄛˇ件ㄍㄠˋㄍㄠˆ其ㄉㄨㄞ衣。
英姐讲自家是“路盲”。去国惠酒楼食酒,出来遘万象城玩,玩遘无的出,遘尾故是保安邀出。复蜀回,去北禅寺,敆左海坐车,结果坐遘新店金城小区,原来车搭拍转头。英姐讲,最惊去食结婚酒,酒店都敆无块捎勾地方。蒋讲哩?——涿里世落读。
以前军训,熄灯哨吹去,冇讲会正开始。㑚是讲先生会查房看俤侬故未困。㑚有俤蜀只乞搦着?——仱缠。有前后房裏做蜀下安静去,就是大家侬都准先生卜来了——当然也有前后准无着,先生无来。无管伊有无来,都尽惊侬,尽刺激。
奴遘現刻正發現,設定(settings)裏勢插件(plugins)著開起去,ChatGPT乍會使上網。
WordPress其REST API,允許第三方應用程序共WordPress往來互動,方便了野価網站。㑚是講,禁止無躒裏其儂訪問WordPress REST API,有好,也有儥好。