落山
左海逐月,雙峰遺夢
就像嘻蓝色其月升空,湖水蜀样其情绪,风蜀样其律动,散播着空气台中。
今旦日天烏烏,雨無逿若夥。盡早爬起,搭公交去圖書館。囫圇工都屈裏勢,主要是修了廮著自家租其服務器懸頂其幾芘服務。解決了自託管其YunoHost其幾芘問題,包括共pgAdmin4——蜀芘PostgreSQL其網頁端管理界面——裝裏去。解決了自託管WordPress多站點網絡其緩存bug。仱發了幾題技術其文章。翻了幾頁哲學共人類學其書。
以前军训,熄灯哨吹去,冇讲会正开始。㑚是讲先生会查房看俤侬故未困。㑚有俤蜀只乞搦着?——仱缠。有前后房裏做蜀下安静去,就是大家侬都准先生卜来了——当然也有前后准无着,先生无来。无管伊有无来,都尽惊侬,尽刺激。
儂家平常間講其「油膩」,其實就是蜀層其濾鏡了哇。蜀隻儂見覺汝油其前後,也就是有這樣款濾鏡其時候,汝講世乇,做世乇,都是油其。伓是汝含不蜀時講了蜀句話,做了蜀件事際,使儂見覺汝盡油膩。
閩王
Mìng-uòng
我嬷告我爸名字,讲:「侬家来做蜀芘游戏!」游戏蒋做哩?目睭䀫去,仱伊敆许所计时间。蜀开始计时间,逢乇都儥使做,坐𠲥。等遘自家见觉差不多蜀分钟了,目睭擘去,报告。㗏哈。我蜀听,见觉野有味吓。偷偷喏参加。
兩個月日之前,天故是焅焅喏,含不蜀時變涼去。共宿舍其河南儂講:「今年暝肯定會凊死。」伊儥相信:「汝這裏無冬天。」福州這五、六年,遘十一、十二月去,故是半寒不暖;敆這幾年來福州其儂,都見覺福州凊天這樣款野正常。秋涼持續野𣆯,宿舍其安徽儂盡滿意,講:「這樣款天氣野爽快。」前兩禮拜,天變涼涼喏。
翻譯:山月 發着平話《維基百科》 Sunday is gloomy, my hours are slumberlessDearest, the shadows I live with are numberlessLittle white flowers will never awaken youNot where the black coach of sorrow has taken youAngels have no thought of ever returning youWould they be angry if I thought of joining youGloomy Sunday 烏暗其禮拜日,睏都儥着 我活着無數萬千其影影裏勢 嫩嫩其白花吼汝也儥爬起 烏色其靈車已經帶汝行去 天使想都儥想介送汝轉來 我㑚跟汝齊去,伊儂會儥受氣 烏暗其禮拜日…