左海逐月，雙峰遺夢
有其前後分別俗讀，會滿足保險其需要。故有就是對愛好研究語言其儂來講，各色讀音其來由本身就野有味，故此也會使分蜀分，滿足好奇心。 既然是俗讀，佪永遠記儥完，儂家㑚使聽着世乇記世乇，並且着是聽着野価回，盡価儂講其，正記這所。
这芘列表，以闽东语《维基百科》〈Swadesh hŏk-sĭng-sṳ̀ liĕk-biēu〉条目为基础，再将字改做《榕典》其推荐用字，复加添了几芘词。做这蜀芘列表其目的，伓是收录全部其讲法，㑚是为了使核心词列表里势其每蜀芘英语，最少有蜀芘福州话其词对应。
福州野価後生囝乞時行其影片配音，譬如講《機器貓》《搞笑漫畫日和》，去宣傳福州話。伊各儂配音其時候，都將趁字幕去看有仂囝講書語其臺詞換成口語。我以爲嚽伓著勢是因爲今旦講福州話其變少去了，但是仈曾看福州話基督教《聖經》裏勢，也這樣款翻譯，譬如講「無始無終」寫成「無起頭無煞尾」，見覺野奇怪。
等遘現時其大事計做完去了，我有野価語言想學。譬如講這道義懸頂其母語啊，我省方音其顯學也就是閩南話啊，廣東話啊。也有世界語、韓語、越南語想去學。日語，除去東京其音，也想學琉球語。 罔算我福州話其百科條目有寫過，但是都是客觀描述。總款發乎情其，寫自家內心其，使福州話寫，我是頭蜀回。