左海逐月，雙峰遺夢
以前军训，熄灯哨吹去，冇讲会正开始。㑚是讲先生会查房看俤侬故未困。㑚有俤蜀只乞搦着？——仱缠。有前后房裏做蜀下安静去，就是大家侬都准先生卜来了——当然也有前后准无着，先生无来。无管伊有无来，都尽惊侬，尽刺激。
我现在是着安卓系统礼使普通话其谷歌拍字法拍字，有其平话字实在是讨卖着，确实野吃亏。
兩個月日之前，天故是焅焅喏，含不蜀時變涼去。共宿舍其河南儂講：「今年暝肯定會凊死。」伊儥相信：「汝這裏無冬天。」福州這五、六年，遘十一、十二月去，故是半寒不暖；敆這幾年來福州其儂，都見覺福州凊天這樣款野正常。秋涼持續野𣆯，宿舍其安徽儂盡滿意，講：「這樣款天氣野爽快。」前兩禮拜，天變涼涼喏。
山月以後改名號山月愛眠眠。
无偌òng就着考书了😂但是一直困mâ̤着
正月十六暝晡，我共行李搬轉宿舍。宿舍故無別儂，我整理完，自家出門，去食日本菜。經過旁邊其村，巷巷盡窄。厝裏勢𠟶出棍棍，野像會敲響對面檻門囝其玻璃。嘻前後天暗無偌𣆯，前斗底蜀隻丈夫囝蒂甩了摔炮，嘻嘻笑躃去。這邊伲囝哥掏𡅏茨來花，邊兜儂圍蜀環看。
最近事計盡価，蜀日遘暗都是做事際，基本無什乇學習整理回顧其時間。嚽也是我自家討死，自業自得。暝晡伓去睏了！這樣款有時間了。但是復無精神了。朋友仈傳這件事計，講我聽：「汝着做邊際效用最大其事際。我先生也鼓勵儂家不求甚解，伓使每蜀日逢乇都做的許滿清楚。」 但是，我無辦法啊！
每蜀回遘厝裏勢，我腹佬比我固歡喜，因為——復有好食其乇了！ 敆厝食飯，每蜀回我都慢慢食，共外斗儥蜀樣。嚽是快勢哩？
福州熱天，天氣就伓講道理。下晝卜出門，悗覷蜀覷外斗，日頭盡像會熁裏來。遘了一層樓，開鎖匙，掏出車——仱死了——天含不蜀時逿雨，悗逿悗大。卜直接行，手䘼馬上濫去，驚潨蜀身，轉厝掏雨衣頌。天懸頂都是雲，覷儥著日頭，但是故是野熱。