猫儿囝大人讲其无赚,以后少修仂囝blog,多做仂囝正事
左海逐月,雙峰遺夢
猫儿囝大人讲其无赚,以后少修仂囝blog,多做仂囝正事
今旦日天烏烏,雨無逿若夥。盡早爬起,搭公交去圖書館。囫圇工都屈裏勢,主要是修了廮著自家租其服務器懸頂其幾芘服務。解決了自託管其YunoHost其幾芘問題,包括共pgAdmin4——蜀芘PostgreSQL其網頁端管理界面——裝裏去。解決了自託管WordPress多站點網絡其緩存bug。仱發了幾題技術其文章。翻了幾頁哲學共人類學其書。
以前军训,熄灯哨吹去,冇讲会正开始。㑚是讲先生会查房看俤侬故未困。㑚有俤蜀只乞搦着?——仱缠。有前后房裏做蜀下安静去,就是大家侬都准先生卜来了——当然也有前后准无着,先生无来。无管伊有无来,都尽惊侬,尽刺激。
奴遘現刻正發現,設定(settings)裏勢插件(plugins)著開起去,ChatGPT乍會使上網。
野𣆯去,卜去睏去。
挨延了差不多有四个月日,今旦NAS共服务器乞伊修去。
快快的,開始做!開始做!
2023年4月13號翻做平話
飰後小可愛,悗食悗可愛
前几日客佻帮教我蜀句福州話熟语话,号𠲥:刀削豆腐两面光。意思是讲,做事际着做遘两边面礼都有光。尽有味。
前蜀月日侬家几只搭的士前后,伊也问了蜀句,号𠲥:呆侬讲政治。儥仈世乇意思。起动的士师傅说囇。伊讲,就是流氓讲道理了哇。这样款蜀讲侬家都会意去了。