左海逐月，雙峰遺夢
以前军训，熄灯哨吹去，冇讲会正开始。㑚是讲先生会查房看俤侬故未困。㑚有俤蜀只乞搦着？——仱缠。有前后房裏做蜀下安静去，就是大家侬都准先生卜来了——当然也有前后准无着，先生无来。无管伊有无来，都尽惊侬，尽刺激。
挨延了差不多有四个月日，今旦NAS共服务器乞伊修去。
快快的，開始做！開始做！ 2023年4月13號翻做平話
飰後小可愛，悗食悗可愛 Also on / Aussi sur / También en / Cē̤-sē̤ iâ ô / 亦可見於 / こちらも:
儂家平常間講其「油膩」，其實就是蜀層其濾鏡了哇。蜀隻儂見覺汝油其前後，也就是有這樣款濾鏡其時候，汝講世乇，做世乇，都是油其。伓是汝含不蜀時講了蜀句話，做了蜀件事際，使儂見覺汝盡油膩。
我嬷告我爸名字，讲：「侬家来做蜀芘游戏！」游戏蒋做哩？目睭䀫去，仱伊敆许所计时间。蜀开始计时间，逢乇都儥使做，坐𠲥。等遘自家见觉差不多蜀分钟了，目睭擘去，报告。㗏哈。我蜀听，见觉野有味吓。偷偷喏参加。
我现在是着安卓系统礼使普通话其谷歌拍字法拍字，有其平话字实在是讨卖着，确实野吃亏。
兩個月日之前，天故是焅焅喏，含不蜀時變涼去。共宿舍其河南儂講：「今年暝肯定會凊死。」伊儥相信：「汝這裏無冬天。」福州這五、六年，遘十一、十二月去，故是半寒不暖；敆這幾年來福州其儂，都見覺福州凊天這樣款野正常。秋涼持續野𣆯，宿舍其安徽儂盡滿意，講：「這樣款天氣野爽快。」前兩禮拜，天變涼涼喏。
山月以後改名號山月愛眠眠。