發其是今年神田祭迎會其相片。具體來講是回宮。

嘻前後是半晡，我看完展覽，寢寢行出，正好野遠就聽見有儂呼口號。墿邊儂也悗來悗価。

無偌𣆯，開道其儂來了。伊揭𡅏注連繩，面覷前首，伐步穩穩喏。後斗跟𡅏蜀堆儂，頌𡅏出巡其衣裳，手悗拍𡅏手，儂悗回轉頭覷。伊各儂看過都野激動。口號其聲悗來悗大，墿邊其儂悗攀講，悗掏出手機、䀹相機，準備䀹相。

來了，來了。扛轎其盡去野精神，佮𡅏口號向前斗行。㑚是講有蜀隻依伯，儥仈面候徛著墿前斗，吩發先遘其儂攔𡅏無伊行。神轎退後仂囝，但是扛轎其無停下，聲做故大，共神轎齊齊律動，盡像心臟敆𡅏跳。氛圍野熱烈，墿邊其儂也拍手加油。敆煞復有能涯前斗行去，大家儂都告好。依伯吩訴女界去替男界扛轎，離開了墿路。

許蜀日，我故有覷著儂供神明齋，有看見著拍太鼓。㑚是講第一感動我其，故是回宮。儂都講迎會是「儂共神其共振」，看完回宮，見覺真其是這樣款。悗算行裡新其時代，傳統也有能涯好好保護，成為今旦生活其蜀部份，實在是野好。