先遘其侬

發其是今年神田祭迎會其相片。具體來講是回宮。

來了

遐辰候是半晡,我看完展覽,寢寢出來,正好野遠就聽見有儂呼口號。墿邊儂也罔來罔価。無偌𣆯,開道其儂來了。伊揭𡅏注連繩,面覷前首,伐步穩穩喏。後首跟𡅏蜀堆儂,頌𡅏出巡其衣裳,蜀邊拍𡅏手,蜀邊回轉頭覷。伊各儂看起都野激動。口號其聲罔來罔大,墿邊其儂罔攀講,罔掏出手機、䀹相機,準備䀹相。

神轎踞𡅏

來了,來了。扛轎其盡去野精神,配合口號向前首行。㑚是講有蜀隻依伯,儥仈面候徛著墿前首,吩發先遘其儂攔𡅏無伊行。神轎退後仂囝,但是扛轎其無停下,口號其聲故大,共神轎齊去律動,盡像心臟敆𡅏跳。氛圍野熱烈,墿邊其儂也拍手加油。敆煞復有能涯向前首行去,大家都告好。依伯吩訴女界去替男界扛轎,離開了墿路。 

神轎敆煞行去

許蜀日,我故有覷儂供神明齋,看儂拍太鼓。㑚是講第一感動我其,故是回宮。儂都講迎會是「儂共神其共振」,看完回宮,見覺真其是總款。罔算行裡新其時代,傳統也有能涯好好保護,成為今旦生活其蜀部份,實在是野好。