Cō̤-hāi dṳ̆k nguŏk, Sĕ̤ng-hŭng mì máe̤ng
Hók-ciŭ iā sâ̤ hâiu-săng-giāng ké̤ṳk sì-hèng gì īng-piéng puói-ĭng, pī-ṳ̀-gōng «Gĭ-ké-mà», «Gō̤-chiéu Mâng-uâ Nĭk-huò», kó̤ sŏng-diòng Hók-ciŭ-uâ. Ĭ-gáuk-nè̤ng puói-ĭng gì sì-hâiu, dŭ ciŏng téng cê-máuk kó̤ káng ô nék-giāng gōng cṳ̆-ngṳ̄ gì dài-sṳ̀ uâng siàng kēu-ngṳ̄. Nguāi ī-ùi cuòi ng-diŏh-sié sê ĭng-ôi gĭng-dáng gōng Hók-ciŭ-uâ gì biéng ciēu kó̤ lāu, dáng-sê báik-cĕng káng Hók-ciŭ-uâ Gĭ-dók-gáu «Séng-gĭng» diē-sié , iâ cūng-uâng huăng-ĭk, pī-ṳ̀-gōng „mò̤ sṳ̄ mò̤ cṳ̆ng“ siā siàng „mò̤ kī-tàu mò̤ sák-muōi“, giéng-gáe̤k iā gì-guái.