Cō̤-hāi dṳ̆k nguŏk, Sĕ̤ng-hŭng mì máe̤ng
Gĭng-dáng-nĭk Pelosi (Buôi-lò̤-să̤) buóh kó̤ Dài-uăng, cuòng-sié-gái buóh páh-tióng liông. Gó̤-lŏk-buŏ nguāi dŭ káung mâ̤ lŏ̤h, bē-lēng lì bē-lēng kó̤. Kī ngô-găng cā, hô-gê̤ṳng gŭng-kṳ̆ ô páh-ché̤ṳng gì siăng-ĭng. Bók-guó sê lṳ̆k-gŭng, bêng-chiā ī-sèng cā-kī-tàu gì-sĭk iâ ô tiăng-giéng diŏh páh-ché̤ṳng, gó-chṳ̄ ĭng-găi mò̤ sié-nó̤h dâi-cié. Mì-séng Bèng-īu-kuàng cêng chiông buóh có̤-cáik, huák iā sâ̤ […]
Lâng-gá nguŏk-nĭk cĭ-sèng, tiĕng gó-sê gè̤-gè̤-lióh, hàng-bók-siŏh-sì biéng liòng kó̤. Gâe̤ng sé̤ṳk-siá gì Ò̤-nàng-nè̤ng gōng: „Gĭng-nièng-màng kēng-diâng â̤ chéng-sī.“ Ĭ mâ̤ sŏng-séng: „Nṳ̄ ciē-lī MÒ̤ dĕ̤ng-tiĕng.“ Hók-ciŭ cī ngô, lĕ̤k nièng, gáu sĕk-ék, sĕk-nê-nguŏk kó̤, gó-sê buáng-gáng-bók-nōng; găk cī gūi nièng lì Hók-ciŭ gì nè̤ng, dŭ giéng-gáe̤k Hók-ciŭ chéng-tiĕng cūng-kuāng iā ciáng-siòng. Chiŭ-liòng tì-sṳ̆k iā […]
Săng-nguŏk ī-hâiu gāi-miàng hô̤ Săng-nguŏk Ó̤i Mìng-mìng.
Ŋuāi dó̤-dā̤ sê duōng-chuó lāu. Chṳ̆-iòng sê lâng-nóng-tiĕng, kŭng-ké héh diē kó̤, cêng-kó̤ iā kuái. Nè̤ng iā sâ̤, cêng lò̤-cò̤, bók-guó dŭ-sê hiŏng-ĭng, iā chĭng-chiék. Diêng-dông hèng-ìng-duô gà̤-dēng, nè̤ng muōng giàng muōng āi, mò̤ guāng cō̤-iêu; nguāi iâ gṳ̆ng lā̤ găk â-dāu cō̤ nâ iêu nâ, có̤ ù-giĕ-cáik gì ông-dông. Dìng-chiă-diòng ô lāu nê-mì-mā (二維碼) […]
Ciáng-nguŏk sĕk-lĕ̤k màng-buŏ, nguāi gáe̤h hèng-lī buăng diōng sé̤ṳk-siá. Sé̤ṳk-siá gó mò̤ bék-nè̤ng, nguāi cīng-lī uòng, cê-gă chók-muòng, kó̤ siăh Nĭk-buōng-chái. Gĭng-guó bòng-bĕng gì chŏng, háe̤ng-háe̤ng cêng cáh. Chuó diē-sié táe̤k chók góng-góng, iā chiông â̤ ká hiōng dó̤i-méng kāng-muòng-giāng gì bŏ̤-là̤. Hiā sèng-hâiu tiĕng áng mò̤ nióh-òng, sèng-dāu diê-siŏh-ciáh dòng-buŏ-giāng-dé sáe̤k lāu sáe̤k-páu, hĭ-hĭ-chéu […]
Có̤i-gê̤ṳng dâi-cié cêng sâ̤, siŏh-nĭk gáu áng dŭ-sê có̤ dâi-cié, gĭ-buōng mò̤ sié-nó̤h hŏk-sĭk cīng-lī huòi-gó (回顧) gì sì-găng. Cuói iâ sê nguāi cê-gă tō̤-sī, cê̤ṳ-ngiĕk-cê̤ṳ-dáik (自業自得). Màng-buŏ ng kó̤-káung lāu! Ciŏng-uâng ô sì-găng lāu. Dáng-sê bô mò̤ cĭng-sìng lāu. Bèng-iū báik-diòng lāu cī giông dâi-cié, gōng nguāi tiăng: „Nṳ̄ diŏh có̤ biĕng-cié hâu-ê̤ṳng (邊際效用) […]
Muōi siŏh huòi gáu chuó diē-sié, nguāi bók-lō̤ bī nguāi gó huăng-hī, ĭng-ôi — bô ô hō̤ siăh gì nó̤h lāu! Găk chuó siăh buông, muōi siŏh huòi nguāi dŭ mâing-mâing siăh, gâe̤ng ngiê-dāu mâ̤ siŏh-iông. Cuòi sê ká̤-sié lī?
Hók-ciŭ iĕk-tiĕng, tiĕng-ké cêu ng gōng dô̤-lī. Â-dáu buóh chók muòng, muōng ché̤ṳ-siŏh-ché̤ṳ ngiê-dāu, nĭk-tàu cêng chiông â̤ hiĕk diē-lì. Gáu lāu ék-cèng làu, kŭi sō̤-siè, dò̤ chók chiă—dāng sī lāu—tiĕng hàng-bók-siŏh-sì dâung-ṳ̄, muōng dâung muōng duâi. Buóh dĭk-ciék giàng, chiū-uōng mā-siông lâng kó̤, giăng cè̤ṳng siŏh-sĭng, diōng-chió dò̤ ṳ̄-ĭ sê̤ṳng. Tiĕng gà̤-dīng dŭ-sê hùng, […]