Cō̤-hāi dṳ̆k nguŏk, Sĕ̤ng-hŭng mì máe̤ng
Nù gáu hiêng-káik ciáh huák-hiêng, siék-dêng (settings) diē-sié chák-giông (plugins) diŏh kŭi kī kó̤, ChatGPT ciáng â̤-sāi siông uōng.
Gĭng-dáng gó-lóng cā-kī-tàu dŭ găk lā̤ gāi Bâng-uâ gì Mì-gĭ báik-kuŏ.
Iā dái à. Káung ng dioh gà. Also on / Aussi sur / También en / Cē̤-sē̤ iâ ô / 亦可見於 / こちらも:
Gĭng-dáng-nĭk Pelosi (Buôi-lò̤-să̤) buóh kó̤ Dài-uăng, cuòng-sié-gái buóh páh-tióng liông. Gó̤-lŏk-buŏ nguāi dŭ káung mâ̤ lŏ̤h, bē-lēng lì bē-lēng kó̤. Kī ngô-găng cā, hô-gê̤ṳng gŭng-kṳ̆ ô páh-ché̤ṳng gì siăng-ĭng. Bók-guó sê lṳ̆k-gŭng, bêng-chiā ī-sèng cā-kī-tàu gì-sĭk iâ ô tiăng-giéng diŏh páh-ché̤ṳng, gó-chṳ̄ ĭng-găi mò̤ sié-nó̤h dâi-cié. Mì-séng Bèng-īu-kuàng cêng chiông buóh có̤-cáik, huák iā sâ̤ […]
Lâng-gá nguŏk-nĭk cĭ-sèng, tiĕng gó-sê gè̤-gè̤-lióh, hàng-bók-siŏh-sì biéng liòng kó̤. Gâe̤ng sé̤ṳk-siá gì Ò̤-nàng-nè̤ng gōng: „Gĭng-nièng-màng kēng-diâng â̤ chéng-sī.“ Ĭ mâ̤ sŏng-séng: „Nṳ̄ ciē-lī MÒ̤ dĕ̤ng-tiĕng.“ Hók-ciŭ cī ngô, lĕ̤k nièng, gáu sĕk-ék, sĕk-nê-nguŏk kó̤, gó-sê buáng-gáng-bók-nōng; găk cī gūi nièng lì Hók-ciŭ gì nè̤ng, dŭ giéng-gáe̤k Hók-ciŭ chéng-tiĕng cūng-kuāng iā ciáng-siòng. Chiŭ-liòng tì-sṳ̆k iā […]
Săng-nguŏk ī-hâiu gāi-miàng hô̤ Săng-nguŏk Ó̤i Mìng-mìng.
Ŋuāi dó̤-dā̤ sê duōng-chuó lāu. Chṳ̆-iòng sê lâng-nóng-tiĕng, kŭng-ké héh diē kó̤, cêng-kó̤ iā kuái. Nè̤ng iā sâ̤, cêng lò̤-cò̤, bók-guó dŭ-sê hiŏng-ĭng, iā chĭng-chiék. Diêng-dông hèng-ìng-duô gà̤-dēng, nè̤ng muōng giàng muōng āi, mò̤ guāng cō̤-iêu; nguāi iâ gṳ̆ng lā̤ găk â-dāu cō̤ nâ iêu nâ, có̤ ù-giĕ-cáik gì ông-dông. Dìng-chiă-diòng ô lāu nê-mì-mā (二維碼) […]
Gó̤-lòng-gĕ̤ng mò̤ siăh-chióh. Duâi-buáng-iâ dók-iòng sék-diē cī sâ̤ nó̤h (À iá, cī-â ciŏng có̤ à). Siŭ-huá-iŏk ké̤ṳk nguāi kĕ̤ gáu diê-sē̤ là. Bè-lēng lì bè-lēng kó̤. Dō̤ mìng-chòng hùng-nó̤h dŭ mâ̤ có̤. DĀNG SĪ KÓ̤!
Ciáng-nguŏk sĕk-lĕ̤k màng-buŏ, nguāi gáe̤h hèng-lī buăng diōng sé̤ṳk-siá. Sé̤ṳk-siá gó mò̤ bék-nè̤ng, nguāi cīng-lī uòng, cê-gă chók-muòng, kó̤ siăh Nĭk-buōng-chái. Gĭng-guó bòng-bĕng gì chŏng, háe̤ng-háe̤ng cêng cáh. Chuó diē-sié táe̤k chók góng-góng, iā chiông â̤ ká hiōng dó̤i-méng kāng-muòng-giāng gì bŏ̤-là̤. Hiā sèng-hâiu tiĕng áng mò̤ nióh-òng, sèng-dāu diê-siŏh-ciáh dòng-buŏ-giāng-dé sáe̤k lāu sáe̤k-páu, hĭ-hĭ-chéu […]