拉丁語族
左海逐月,雙峰遺夢
囫圇日無食歠。大半夜突然塞裏這価乇(吓也,這下將做吓)。消化藥乞我抾遘底所喇。反々來反々去。倒眠床逢乇都儥做。仱死去!
故此讲,伓使停下啊(指笃赞)
正月十六暝晡,我共行李搬轉宿舍。宿舍故無別儂,我整理完,自家出門,去食日本菜。經過旁邊其村,巷巷盡窄。厝裏勢𠟶出棍棍,野像會敲響對面檻門囝其玻璃。嘻前後天暗無偌𣆯,前斗底蜀隻丈夫囝蒂甩了摔炮,嘻嘻笑躃去。這邊伲囝哥掏𡅏茨來花,邊兜儂圍蜀環看。
最近事計盡価,蜀日遘暗都是做事際,基本無什乇學習整理回顧其時間。嚽也是我自家討死,自業自得。暝晡伓去睏了!這樣款有時間了。但是復無精神了。朋友仈傳這件事計,講我聽:「汝着做邊際效用最大其事際。我先生也鼓勵儂家不求甚解,伓使每蜀日逢乇都做的許滿清楚。」 但是,我無辦法啊!
昨暝是拗九節。
Siŏh-màng sê Â-gāu-cáik.
今旦我自家也儥仈蔣其了,起五更早𡅏睏儥着,眠牀𡅏輾轉反側。遘此刻五點其時候,肩頭悗變悗儥受,就爬起了。雖然講我肩頭平常就儥好受,時間𣆯去就習慣了;但是過了睏會着倛時間再去睏,復睏儥着,身體倛痛就會放大。 爬起無事做,儥愛覆桌𡅏,就討書掏去悗看。凊天遘六點故是暗,故有野価時間。
每蜀回遘厝裏勢,我腹佬比我固歡喜,因為——復有好食其乇了! 敆厝食飯,每蜀回我都慢慢食,共外斗儥蜀樣。嚽是快勢哩?