左海逐月,雙峰遺夢
我野中意《㑚我無着其城市》。主人公犧牲了自家,成全了大家,最後𡅏伊心肝搭搭伓驚菩薩,伊證明了自家有乇使。
福州熱天,天氣就伓講道理。下晝卜出門,悗覷蜀覷外斗,日頭盡像會熁裏來。遘了一層樓,開鎖匙,掏出車——仱死了——天含不蜀時逿雨,悗逿悗大。卜直接行,手䘼馬上濫去,驚潨蜀身,轉厝掏雨衣頌。天懸頂都是雲,覷儥著日頭,但是故是野熱。
最近有蜀件新聞,講澳洲國立大學計算機教授上堂時放了這樣款其中文字樣:「我無法容忍學生作弊。」野価中文媒體注意遘了這件事際,報道野価。但是同樣蜀件事計,儥蜀樣立場,就儥蜀樣標題。
今旦下晝,突然有儂吼我替伊𢩅相,見覺我有能涯𢩅好,卜掏去做作品。遐辰侯我暗想:「起動去!」看蜀看自家𢩅過其,都是什乇無塊死其草木山水圖……透底都無好好𢩅過儂。也許乞我發網絡懸頂其相片騙去是伓是?佪都是特效喇!
我花藤其花开去了!
由这蜀礼拜开始,我会每蜀礼拜轮流放蜀芘影集。如果有新其,就会先放新其;下蜀礼拜介放原来其。