（看𡅏白白其文字欄，做蜀下儥仈寫什乇比較好了。）

今旦下晝，突然有儂吼我替伊𢩅相，見覺我有能涯𢩅好，卜掏去做作品。嘻前後我暗想：「起動去！」看蜀看自家𢩅過其，都是什乇無塊死其草木山水圖……透底都無好好𢩅過儂。也許乞我發網絡懸頂其相片騙去是伓是？佪都是特效喇！復問了伊，伊講伊自家也是頭蜀回出作品，見覺我𢩅會好，就來起動我。但是暴乍喊我做，有仂囝想逃避。伊復講我聽，「過得去就行」，發了蜀批別儂其相片，講儂家會使去學。嚽也是伊對我其信任，我應該當珍惜。討來伊相片，卜了解伊風格多仂囝。𢩅儂其技法，趁今旦學起去，會赴，會赴！去學，去做，就好，伓使驚。

今年五月十九号，值夏曆丁酉年四月廿四，我寫了自家第一篇平話日記！下斗是原文：

今年五月十九號，值夏曆丁酉年四月廿四，我寫了自家第一篇平話日記！

這蜀日，我永矢弗諼！悗講蜀講我現時其學習情況：見覺世界話共東亞離恰遠，先放蜀放。日語努力勉學中，福州話故是無停無歇。工工學語言，盡有味。

今旦也是我頭頭回有自家其平話部落格。

去睏了，好夢！