我现在是着安卓系统礼使普通话其谷歌拍字法拍字,有其平话字实在是讨卖着,确实野吃亏。
左海逐月,雙峰遺夢
儂家平常間講其「油膩」,其實就是蜀層其濾鏡了哇。蜀隻儂見覺汝油其前後,也就是有這樣款濾鏡其時候,汝講世乇,做世乇,都是油其。伓是汝含不蜀時講了蜀句話,做了蜀件事際,使儂見覺汝盡油膩。
我嬷告我爸名字,讲:「侬家来做蜀芘游戏!」游戏蒋做哩?目睭䀫去,仱伊敆许所计时间。蜀开始计时间,逢乇都儥使做,坐𠲥。等遘自家见觉差不多蜀分钟了,目睭擘去,报告。㗏哈。我蜀听,见觉野有味吓。偷偷喏参加。
我现在是着安卓系统礼使普通话其谷歌拍字法拍字,有其平话字实在是讨卖着,确实野吃亏。
兩個月日之前,天故是焅焅喏,含不蜀時變涼去。共宿舍其河南儂講:「今年暝肯定會凊死。」伊儥相信:「汝這裏無冬天。」福州這五、六年,遘十一、十二月去,故是半寒不暖;敆這幾年來福州其儂,都見覺福州凊天這樣款野正常。秋涼持續野𣆯,宿舍其安徽儂盡滿意,講:「這樣款天氣野爽快。」前兩禮拜,天變涼涼喏。
山月以後改名號山月愛眠眠。
行裏騰訊會議,㑚有自家錄像其開關開起去,見覺乞儂做騙去。
囫圇日無食歠。大半夜突然塞裏這価乇(吓也,這下將做吓)。消化藥乞我抾遘底所喇。反々來反々去。倒眠床逢乇都儥做。仱死去!
无偌òng就着考书了😂但是一直困mâ̤着
正月十六暝晡,我共行李搬轉宿舍。宿舍故無別儂,我整理完,自家出門,去食日本菜。經過旁邊其村,巷巷盡窄。厝裏勢𠟶出棍棍,野像會敲響對面檻門囝其玻璃。嘻前後天暗無偌𣆯,前斗底蜀隻丈夫囝蒂甩了摔炮,嘻嘻笑躃去。這邊伲囝哥掏𡅏茨來花,邊兜儂圍蜀環看。