“出门其伲囝哥快快转厝归家”无乇使其我也转厝了。
左海逐月,雙峰遺夢
最近事計盡価,蜀日遘暗都是做事際,基本無什乇學習整理回顧其時間。嚽也是我自家討死,自業自得。暝晡伓去睏了!這樣款有時間了。但是復無精神了。朋友仈傳這件事計,講我聽:「汝着做邊際效用最大其事際。我先生也鼓勵儂家不求甚解,伓使每蜀日逢乇都做的許滿清楚。」 但是,我無辦法啊!
今旦我自家也儥仈蔣其了,起五更早𡅏睏儥着,眠牀𡅏輾轉反側。遘此刻五點其時候,肩頭悗變悗儥受,就爬起了。雖然講我肩頭平常就儥好受,時間𣆯去就習慣了;但是過了睏會着倛時間再去睏,復睏儥着,身體倛痛就會放大。 爬起無事做,儥愛覆桌𡅏,就討書掏去悗看。凊天遘六點故是暗,故有野価時間。
每蜀回遘厝裏勢,我腹佬比我固歡喜,因為——復有好食其乇了! 敆厝食飯,每蜀回我都慢慢食,共外斗儥蜀樣。嚽是快勢哩?
我野中意《㑚我無着其城市》。主人公犧牲了自家,成全了大家,最後𡅏伊心肝搭搭伓驚菩薩,伊證明了自家有乇使。
“出门其伲囝哥快快转厝归家”无乇使其我也转厝了。
福州熱天,天氣就伓講道理。下晝卜出門,悗覷蜀覷外斗,日頭盡像會熁裏來。遘了一層樓,開鎖匙,掏出車——仱死了——天含不蜀時逿雨,悗逿悗大。卜直接行,手䘼馬上濫去,驚潨蜀身,轉厝掏雨衣頌。天懸頂都是雲,覷儥著日頭,但是故是野熱。
今旦下晝,突然有儂吼我替伊𢩅相,見覺我有能涯𢩅好,卜掏去做作品。遐辰侯我暗想:「起動去!」看蜀看自家𢩅過其,都是什乇無塊死其草木山水圖……透底都無好好𢩅過儂。也許乞我發網絡懸頂其相片騙去是伓是?佪都是特效喇!
我花藤其花开去了!
由这蜀礼拜开始,我会每蜀礼拜轮流放蜀芘影集。如果有新其,就会先放新其;下蜀礼拜介放原来其。