-
下晝晡時無道理
福州熱天,天氣就伓講道理。下晝卜出門,悗覷蜀覷外斗,日頭盡像會熁裏來。遘了一層樓,開鎖匙,掏出車——仱死了——天含不蜀時逿雨,悗逿悗大。卜直接行,手䘼馬上濫去,驚潨蜀身,轉厝掏雨衣頌。天懸頂都是雲,覷儥著日頭,但是故是野熱。
-
儥蜀樣標題,儥蜀樣立場
最近有蜀件新聞,講澳洲國立大學計算機教授上堂時放了這樣款其中文字樣:「我無法容忍學生作弊。」野価中文媒體注意遘了這件事際,報道野価。但是同樣蜀件事計,儥蜀樣立場,就儥蜀樣標題。
-
使平話講「死刑」會使儥?
福州野価後生囝乞時行其影片配音,譬如講《機器貓》《搞笑漫畫日和》,去宣傳福州話。伊各儂配音其時候,都將趁字幕去看有仂囝講書語其臺詞換成口語。我以爲嚽伓著勢是因爲今旦講福州話其變少去了,但是仈曾看福州話基督教《聖經》裏勢,也這樣款翻譯,譬如講「無始無終」寫成「無起頭無煞尾」,見覺野奇怪。
-
仱慘去……我乞吼會替儂𢩅相!(並我其頭蜀篇平話日誌)
今旦下晝,突然有儂吼我替伊𢩅相,見覺我有能涯𢩅好,卜掏去做作品。遐辰侯我暗想:「起動去!」看蜀看自家𢩅過其,都是什乇無塊死其草木山水圖……透底都無好好𢩅過儂。也許乞我發網絡懸頂其相片騙去是伓是?佪都是特效喇!
-
我想學其語言
等遘現時其大事計做完去了,我有野価語言想學。譬如講這道義懸頂其母語啊,我省方音其顯學也就是閩南話啊,廣東話啊。也有世界語、韓語、越南語想去學。日語,除去東京其音,也想學琉球語。 罔算我福州話其百科條目有寫過,但是都是客觀描述。總款發乎情其,寫自家內心其,使福州話寫,我是頭蜀回。